Skip to content
Back to Top

Qanercetagvigmi Qaneryarait

Arraignment-aq

Yuk piciliumalria alergutmek navgillruniluku qanercetagvigmun-llu taitellrat caliaknaluku, kanrucimaluni pinarkutqut'liumallerminek, cali-llu kanreskelluku pillruniluni wall' piksaitniluni.

Bail-aq

Qanercetagviim piskuciatun akiq ansutekaminun qanercetagumalriim akilillerka. Akia tusngauk qanercetarumalriim aagnarkucianun ankuni cali kimagnayukluku.

Continuance-aq

Takillrat yaksiganigluki niitellerkat cali qanercetallerkak qanercetagvigmi.

Defendant-aq

Yuk pinarqut'liumalria navgillruniluku alerkutmek.

Defense Attorney-q

Alerkutnek calituli pikuillrat qanercetarumalria ikaiyuskelluku cali inglukeskelluki pinarqut'lirtai.

Discovery-q

Itercingnakestet tunakatki tamallkuita nallunairutai qanercetarumalriim. Ilaksugngai igaumalriit wall' kanrumalriit nallunairutet.

Dismissal-aq

State-am ikaiyutiin nalllunairutai kanerkun wall igakun nallunaigluku qanercetagvik cali qanercetarumalria takiniluku itengallerka. Itengkakuni qanercetarumalria anevkaumacikuk.

Felony-q

Alerkun navgumalria aipagni ataucik ciplluku allraqunek itengallerkangkerlluni.

Grand Jury-q

Akimiaq pingaiyun yut ciallkakun cucukumalriit waken vote-allernek, pisugyallernek, neksullegnek, PFD-nek cali ayukaitnek kalikanek niitevkagnaluki nallunairutnek maniillri state-am ikaiyurtiin cuqnaluki amllertaciat nalllunairutet tangerlluki yuk kanercetarumallerka alerkutmek navgillrem pinarketaciagluku.

Guilty Plea-aq

Qanercetarumalria pinarqut'liumalleq alerkutmek navrullruniluku kaneryugngauk pillruniluni, piksaitniluni, wall' qanerngaunani pillruniluni, wall' piksaitniluni.

Hearings-aq

Cuqcistem cuikerani cali inglukellriit calistet tamanlluteng qanercetagvigmi cali kina niicugniyulria taiyugngaluni.

Indictment-aq

Kalikak paciklluku yuk kangingaurtet tukninrita igallra pinarqut'ligluku alerkutmek navgillruniluku tangrarluki nallunairutet manimalriit state-am ikaiyugtinek. Una kalikak nallunarutngunrituq alerkutmek navgillruniluku.

Misdemeanor-aq

Alerkun navrumalria pikiurumaluni itengkallerkamek ataucimek allrakumek wall' ikrellranek.

Own Recognizance-aq (OR)

Anevkagluku qanercetarumalria akinaku.

Plea Bargain-aq

Umyuallrutekllutek qanercetarumalria cali state-am ikaiyugti wani qanercetarumalria qanegluni alerkutmek navgillruniluni. Una kingunegluni, state-am ikaiyugti apellcigluku cukcista arcakangilngurmek nunuliutmek qanercetarumalria natakeskelluku mana utumanruluni arcakalriamek pillrukatni kanginaurtet.

Probation-aq

Nunuliun alla alerkutmek navgilria pikiurumalria itengkallerkamek ataucimek allrakumek wall' ikrellranek cali arcakalriamek alerkutmek navrillermek natakumalria nani qanercetarumalriim negurlluku ilii/tamallkuan itengallerkani, cali anevkaumaluni nunaminun murillkumaciklluni murillkiyaramek calialegmek nallkircimalriamek taktalriamek, amllegnek alerkutnek maligtakuarkanek taperluni.

Prosecutor-aq

Nunamta Alaskam state-an calisti alerkutet maligtakuluki calilria.

Release Conditions-aq

Qanercetagviim piskutai qanercetarumalriiamun agnam/angutem maligtakuarkai anevkakatni itengkallranek. Makut ayukuciit elangkertut tangrarkauvkenaku pinerllugcimallek cali tangvagtai, nanillu nunanun ayagaskevkenaku alerkugluku, inrurllugnek wall'tangamek atullruyuartuq uvgiraklluku, cali allanek maligtakuarkanek.

Restitution-aq

Akilirkat cugcistem piskutai maligtakuluki cimigluki pinerllugcimalriit katallrit atugyulriit piteklluku alerkun navrumallrem (cautai cagmallret wall' akngigimallri tememikun). Tapkenrita akiliumallra nangtekellranek cali makugtellranek, umyuam ciglikellra wall' allat navellret akikun unangumanritlleret aluksugngalriit qanercetagvikun akilircetaagiyaraqun.

Speedy Trial Rule-aq

Qanercetarumalriit alerkutekqun tunumaut qanercetaarvigkun caliaqnarqellria naspamaurkauluni yuinaq talliman yuinaq ciplluku ernerni tegumallermini wall' kalikagtangellni pinarqut'lirluku alerkutmek navrillruniluku. Qanercetarumalriim apcugnga qanercetagvik yakvakaniskeluku kanginaullerkani.

Subpoena-aq

Kalikakun taiskelluku qanercetagvigmun ernerkiullratnun. Tangvagta nunuliyugngat maligtakunrillkan.

Victim Impact Statement-aq

Yum kanellra, igaumalria wall' apervikaullra cukcistemun, pinerllugcimalriim wall' kingunrin umyuateng anlluki pinerllugcimalriim ayukucia kanruteklluku alerkutem navrullra piteklluku.