Pinerlugcimalrianek Tangvagtaitnek-llu Ikayuriyarait
Pinerrlugcimakuvet wall'u ilalkumakuvet yugkun inerquutmek navgilriakun, district attorney-t office-aaritni pinerrlugcimallerpet caliaqestiin nallunairciqai apyutengqerkuvet qaillun qanercetarviim caliyaraanek, pinerrlugcimallerpenek, ikayurluten-llu allanek.
Ikayuryugngaluten ikayungcarluki police-at taqevkallerkaanek pinerrlugcilria, nakukilria, wall'u alingcetarilria elpenek. District Attorney-t office-aarita apertuucugngaatgen assiitqapigtellrianek inerquutnek navgirpallret akitgun akiliciyaraatnek, cimiriyaramek, aklunek uterceciyaramek, calivigpeni arenqiallugutevnek, pinerrlugcimalriit tangvagtellrita akiliutaitnek, allanek-llu nunanek tekitellrukutvet tengsuutet qavarviit-llu nallunairluki. Apertuacugngaatgen uitavigkanek ikayurtenek-llu alerquutetgun naulluuvigteggun cali umyuanek tememek-llu ikayuritulinek.
District attorney-t office-aaritni pinerrlugcimallerpet caliaqestiin qanrucugngaaten nani picirkirillerkaatnek piyunarqucin aturluku nallunrilketen qanrutkesqelluki taum tungiinun. Qanrucugngaatgen qaillun qaneryugngallerpenek picurlalleq picirkiumallrani.
Picirkiutnguuq Alaska-m alerquuciurtain picurlalrianek caliviatni allakaukivkenaki ikayuutait atuuyugnganiluki tamalkuitnun pinerrlugcimalrianun tangvagtellritnun-llu qitevcuilengraata wall-u niicuilengraata maligluku Title VI-aaq Civil Rights Act of 1964-aami piurtelleq pitekluki kass'acetun nallunritsiiyaanrilnguut niicurkilnguut-llu.
Mumigcisteryukuvet district attorney-t office-aarat nallunritevkaqiu. Mumigcistekarpenek piciqaatgen akiliyuilngurmek.
Victim-Witness Assistance Program-aq pinerrlugcimallret tangvagtellritaa-llu ikayuutekaitnek kalikacuarnek pilillruut internet-akun aturyugngakevnek. Wani-wa kass'acetun atrit kalikacuaraat tangrruyugngalriit:
- Qanercetagvigmi Qaneryarait
- Pinerllugcimalriit Piuynarkuciit Kalikait - PDF(735K)
- Pinerlugcimalrianek Inerquutmeq Navgilriakun Piyunaquciit - PDF(625K)
- Nallunairutai Um Enelrutminek Calluayaram - PDF(283K)
- Nallunairutai Um Gessangran Picirkartuyarucilriim - PDF(296K)
- Nallunairutai Um Pengernaillekutanek Napagcillek - PDF(298K)
Internet-amelnguut-llu Allat Pinerrlugcimallret Ikayutait
Alaska Judicial Council-aat kalikacuarmek pilillruut pinerrlugcimallernun ikayutnguyugngalriamek aprumaluni: A Handbook for Victims of Crime in Alaska. Una internet-ami nataqumayugngaluni wani http://www.ajc.state.ak.us/reports/VictMan01.pdf (PDF 130K). Allat-llu apertuumalriit qaillun pillerkaq inerquutmek navgirraartelluki, inerquutmek-llu navgilria iluumurterrartelluku, qanercetaarillrem-llu mikelngurnek ayuqenritellra qanercetaarillermi taqnerurtellrianek, kalikat nallunairilriit Alaska-m nunaini pinerrlugcimalrianek ikayuritulinek uum kalikam taqumallra tekilluku.
Alaska State Legislature's Office of Victim's Rights-aaq alerquuciurtet caliviat pinerrlugcimallernek ikayurilriaruuq qanercetaarvigmi, pinerrlugcimallrem-llu piyunarqucia navgumallrukan. Nallunairutii internet-ami nataqumayugngaluni wani: https://ovr.akleg.gov/.
Department of Corrections-aat itertat cali-llu itercivigmek anellret murilkestaita nallunairutait pinerrlugcimalriit ikayutaitnek ilangqertut pinerrlugcilleq itertaullranek anevkarpailgatgu qaillun elpet nallunritevkallerkarpenek una egmian nallunritevkariissuun VINE-aq aturluku, internet-ami nataqumayugngaluni wani http://www.correct.state.ak.us/probation-parole/victim-service-unit.
Internet-amelnguut-llu allat ikayuuyugngalriit wani-wa: